Prej disa javësh situata e COVID-19 në vendin tonë është përkeqësuar, numri i të infektuarve dhe të vdekurve është rritur ndjeshëm.
Prej një jave u ashpërsuan masat kufizuese, u mbyllën gjimnazet në ato qytete ku numri i të infektuarve ishte i lartër, ora policore u vendos në 20:00 si dhe gjoba të ashpëra për ata që nuk i respektojnë ato.
Gjatë këtyre ditëve numri i të infektuarëve ka rënë disi por kjo nuk do të thotë që situata është përmirësuar. Numri në spitale është rritur por ka sërish kapacitete për pacientë të tjerë.
Ministrja e Shëndetësisë, Ogerta Manastirliu, theksoi sot nga “Air Albania” se kapacitetet në katër spitalet COVID në Tiranë nuk janë ezauruar. Sipas ministres, janë ende 550 shtretër në dispozicion, ndërsa shtoi se po ashtu janë vendosur edhe disa shtretër shtesë.
Që prej mbërritjes së vaksinës në vendin tonë të parët që u vaksinuan ishin mjekët, personat më të rrezikur dhe ditëne e sotme janë vaksinuar të moshuarit nga “Shtëpia e të moshuarve” në Tiranë.
Vaksinimi nisi edhe në qytetin e Shkodrës ku të parët që morën vaksinën ishin mjekët dhe të moshuarut.
Kryeministri Edi Rama ditën e sotme deklaroi nga stadiumi “Air Albania” se pritet një marrëveshje për 360 mijë doza të vaksinës kundër COVID-19 nga Astra Zeneca. Rama tha se për 1 mijë persona vaksinimi mbyllet këtë javë, teksa nesër do të nisë dhe në Vlorë.
Nëse numri i infektimeve nuk bie dhe vazhdon në rritje Komiteti Teknk i Ekspertëve paralajmëroi për një ashpërsim tjetër të masave, por pritet vëzhgimi situatës deri në javën e dytë duke shpresuar se numrat do jenë në ulje./ Alpenews.al
