Viti i ardhshëm mund të jetë i pakëndshëm për CEO -t e firmave më të mëdha të teknologjisë në botë. Përpjekjet po përshpejtohen për të frenuar fuqinë e Facebook, Amazon, Apple, apo Google.
Autoritetet, veçanërisht në Shtetet e Bashkuara të Amerikës dhe në Europë, tashmë po bëhen më të ashpra mbi çështjet e konkurrencës, e kjo ka të ngjarë të jetë një fushë kryesore beteje për vitin 2021.
Ky vit mund të sjellë teknologji të reja, të panjohura më parë, sidoqoftë, më poshtë do të gjeni trendët që priten të jenë në 2021- ishin.
Goditja e Gjigandëve të Teknologjisë Gjatë javëve të fundit të vitit 2020, pati disa “re të zeza” mbi gjigandët e teknologjisë si Google, Facebook, Amazon dhe Apple, të cilat mund ta bëjnë të pakëndshëm vitin e ardhshëm. Në fillim të dhjetorit, më shumë se 45 prokurorë shtetërorë paditën Facebook, duke akuzuar kompaninë e mediave sociale për ndërmarrjen e veprimeve të paligjshme për të blerë rivalë dhe për të mbytur konkurrencën.
Gjithashtu në dhjetor, Komisioni Europian zbuloi Aktin e tij të Shërbimeve Dixhitale dhe Aktin e Tregjeve Dixhitale; projekt – legjislacion që do të rishikonte plotësisht mënyrën e rregullimit të të ashtuquajturave “Big Tech”.
Inovacioni Elektrik
Ky vit ka qenë disi “shkatërrues” për industrinë ajrore. Kështu që, në 2021 mundet që Airbus të nënshkruajë një marrëveshje të rëndësishme me Gjermaninë, Francën, Spanjën dhe Italinë për zhvillimin e një droni gjigand ajror, të quajtur Eurodrone, i cili pritet që testimin e fluturimit ta kryejë në vitin 2025.
Gjithashtu në 2021, pritet edhe një aeroplan elektrik nga “Rolls-Royce”, i quajtur “Shpirti i Inovacionit”. Kompania shpreson që makineria e saj të thyejë rekordin botëror të shpejtësisë për një avion elektrik, duke fluturuar me më shumë se 300 kilometër për orë.
Teknologjitë për punën nga shtëpia Sipas një sondazhi të kryer për CCS Insights, 60% e drejtuesve të biznesit në Evropën Perëndimore dhe Amerikën e Veriut presin që të paktën 25% e fuqisë së tyre të punës, dhe në disa raste i gjithë stafi i tyre, të punojnë të paktën pjesërisht nga shtëpia – edhe kur pandemia ka mbaruar Shumë firma të mëdha tashmë janë përkushtuar në detyrat e shtëpisë.
Në tetor, Dropbox tha që i gjithë stafi i saj mund të punonte nga shtëpia dhe Twitter ka të njëjtën politikë. Microsoft dhe Facebook kanë thënë gjithashtu se një numër i konsiderueshëm i stafit të tyre mund të punojnë përgjithmonë nga shtëpia. Ndaj, viti 2021 pritet të sjellë evoluimin e mëtejshëm të teknologjive të krijuara tanimë për punën nga shtëpia, ose futjen në treg të platformave të reja.
Makina autonome
Në rrugët e “Phoenix”, Arizona, më shumë se 300 makina operojnë vetë, duke marrë dhe lënë pasagjerë, pa shofer në timon. Kjo në fakt është pjesë e shërbimit “Waymo One”, i cili u hap me shërbimin e vet autonom në tetor.
Evolucioni i shitjes me pakicë
Ndër të tjera, 2020 ka qenë gjithashtu një vit katastrofik për shumë shitës me pakicë. Trendi drejt blerjeve në internet kaloi në mbingarkesë, pasi klientët ishin të karantinuar në shtëpi, gjatë mbylljes së kufijve. Shitësit me pakicë që mbijetuan mund të përballen me një teknologji të re në 2021, duke u adoptuar të gjitha me shitjen online, ose dyqanin virtual.(BBC, scan)
