Një 30 vjeçar vinte nga Kamza për të vjedhur në Shkodër. Shtetasi E.R, vjeç 30 është proceduar penalisht pasi nga Kamza ka ardhur deri në Shirokë në Shkodër për të bërë një vjedhje. Ende është e paqartë nëse 30 vjeçari ka qenë edhe herë të tjera në Shkodër për të njëjtën gjë. Shtetasi E.R nga Lezha por banues në Kamëz ka hyrë në banesën e shtetasit K.B vjeç 53 të cilit i ka marrë një çantë me rroba. Forcat e policisë kanë arritur që ta identifikojnë dhe tashmë për 30 vjeçarin janë referuar materialet në prokurorinë e Lezhës. Policia ende nuk ka arritur që ta ndalojë 30 vjeçarin E.R ndërsa po punohet për gjetjen dhe kapjen e tij. Mesa duket hajdutët kur nuk gjejnë diçka më të vlefshme në banesa mjaftohen duke marrë edhe rroba të përdorura.. Ja njoftimi i policisë për këtë rast:
Më datë 08.05.2018, u referuan materialet në Prokurorinë pranë Gjykatës së Shkallës Parë Lezhë, për shtetasin E.R, vjeç 30 banues në Kamzë, pasi gjatë natës, në fshatin Shirokë, dyshohet se ka vjedhur banesën e shtetasit K.B, vjeç 53 ku ka marrë 3 çanta me rroba të ndryshme. Punohet për kapjen e E.R. Neni 134 i Kodit Penal.
