Një restorant në Gjilan ka rezultuar me ushqim të helmuar për të paktën 70 persona, të cilët katër ditët e fundit kanë shkuar me urgjencë në spital.
Restoranti shërbente iftarin besimtarëve myslimanë të cilët pasi konsumonin ushqimin e prishur kishin probleme shëndetësore.
Fillimisht sipas kryeshefit të Departamentit të Emergjencës në reanimacion, Ukshin Ismajli, nuk e kuptonin arsyen përse kaq shumë njerëz po vinin në spital. Më pas të gjithë kishin thënë se kishin ngrënë në të njëjtin restorant.
Ismajli ka treguar për Express:
Është një numër i rritur i pacientëve që janë hospitalizuar. Ata kanë ardhur me simptoma të vjelljes, diarre dhe temperaturë. Ne jemi duke vazhduar për t’ia ofruar shërbimin atyre. Të gjithë pacientët kanë thënë se ishin në një restorant para se të kishin këto simptome, pra të gjithë po e thonë këtë gjë, por nuk mund të themi asgjë të saktë. I kemi bërë analizat sot tash të shohim kur të dalin rezultatet.”
