Përndjekja ka është një nga fenomenet më të përhapura në shqipëri dhe shpesh femrat kanë rënë preh apo “viktime” e tyre.
Por jo gjithmonë ka shkuar kështu, pasi ka shumë raste që janë përndjekësit ata që e kanë pësuar edhe më keq dhe janë penduar duke marrë mësimin më të mirë.
Nisur nga rasti i ditës së sotme ku një përndjekës ka marrë mësimin e tij pasi ngacmonte seksualisht dhe kërcënonte me mesazhe nëpërmjet celularit të bashkëshortes së tij dentisten (LAJMI I PLOTE) , AlpeNews.al ju sjell të gjitha rastet, nga ato në të cilat përndjekësit kanë “ngrënë dajak” ose në raste më të mira edhe burg.
Kujtojmë në vitin 2016 bëri bujë rasti i vajzës 28-vjeçare, Blerina Shpata nga Tropoja e cila preferoi tia tregoi qefin përndjekësit pa ndihmën e Policisë. Ajo, bashkë me shokun e saj, i kanë “zënë pritë” 40¬vjeçarit i cili i shkruante vazhdimisht mesazhe në Facebook dhe e kanë rrahur, në qendër të Tiranës. Veç kësaj, i kanë marrë edhe çelësat e makinës tip “Mercedes”, që nuk u gjetën kurr nga Policia.
Një rast tjetër i ndodhur këtë vit, do të mbahet mend gjatë ku një 30-vjeçar nga Berati mori guximin të ngacmonte seksualisht nëpërmjet mesazheve dhe të përndiqte një punonjëse policie në Kuçovë.
Por pas shqetësimeve të vazhdueshme punonjësja e Policisë bëri thjesht detyrën duke e kthyer sërish në burg 30 vjeçarin. Hoxha kishte vetëm disa muaj që kishte dalë nga burgu dhe kishte filluar sërish përndjekjen e punonjëses së policisë.
Një tjetër rast “PIKANT” ka ndodhur në vitin 2014 në Kamëz ku janë përfshirë dy familje dhe ka përfunduar në sherr midis dy kryefamiljarëve ku gruaja e njërit prej tyre ngacmonte me mesazhe shokun e tij por kur ky i fundit i ka treguar shokut të tij, ai nuk e ka besuar duke u justifikuar se celularin e bashkëshortes së tij e ka përdorur dikush tjetër.
DESHMIA
“I pandehuri deklaron se kur e merrnin fillimisht në telefon ka komunikuar me këtë shtetase pa e ditur se ajo ishte bashkëshortja e S. B. Në vijim ajo i ka treguar se kush ishte dhe në këto momente i ka kërkuar që të mos e bezdiste më në telefon, pasi shtetasin S. e kishte shok. Ndër të tjera, i pandehuri deklaron se është ndier shumë i bezdisur nga kjo shtetase sa edhe gruaja e tij shpeshherë shqetësohej pasi kjo shtetase e merrte në telefon edhe natën dhe detyrohej të fikte telefonin. Sipas tij, i kishte kërkuar disa herë F. B. që të mos e bezdiste, por ajo ka këmbëngulur se i pëlqente. Më pas, para 6 muajsh, i pandehuri deklaron se i ka thënë shtetasit S. B. që gruaja e tij e shqetësonte në telefon, por ky i fundit ka gjetur justifikime të ndryshme duke i thënë që nuk kishte mundësi kjo gjë. I pandehuri i ka treguar numrin e saj dhe mesazhet, dhe ai i ka thënë që do ishte ndonjë person tjetër që kishte përdorur numrin e bashkëshortes. Në lidhje me këto shqetësime ka pasur dijeni edhe nëna e të pandehurit, e cila ka komunikuar me shtetasen F. B. duke i kërkuar që të mos e shqetësonte më të pandehurin Shefki E.”, thuhej në vendim. Referuar deklarimeve të të pandehurit, një muaj para ngjarjes ai ka takuar shokun e tij S. B. dhe i ka rirrëfyer bezdisjen nga bashkëshortja e tij duke i treguar dhe SMStë. Për shkak se S. B. nuk ka reaguar, i pandehuri Shefki e ka qëlluar atë me shpulla.”
Rasti tjetër jo normal ka ndodhur në Kosovë jo para shumë kohësh ku punonjësi i postës përdorte postin që kishte, për të marrë të dhëna personale të një klienteje
Punonjësi kishte marrë numrin e telefonit dhe i kishte dërguar mesazhe. Klientja ka paralajmëruar ankesë në Postë e Agjenci për mbrojtjen e të dhënave personale. Këta të fundit kanë paralajmëruar ndëshkimin e postierit..
Deri më tani kjo agjenci ka marrë mbi 400 ankesa që kanë të bëjnë me marketingun e drejtpërdrejtë.
Përgatiti:AlpeNews.al
