Pas incidentit në fushë me Cavani (se kush do të gjuajë penalltitë), sërish probleme për sulmuesin brazilian të PSG, Neymar, që ka debatuar e ka ngritur edhe ndaj trajnerit Unai Emery. Lajmin e ka konfirmuar sot e përditshmja franceze “L’Eqipue”, që ka thënë se incidenti mes trajnerit dhe sulmuesit ka ndodhur pas ndeshjes së Champions League, fituar ndaj Anderlecht ditën e mërkurë (në atë sfidë, Neymar realizoi golin e tretë në fitoren 4-0 ndaj holandezëve).
Sipas “L’Eqipue”, trajneri Emery ka zhvilluar menjëherë pas ndeshjes një stërvitje të lehtë me top me titullarët para se ata të linin fushën e lojës. Dhe, më pas, do të stërviteshin edhe lojtarët rezervë. Neymar ka kërkuar që të stërvitej edhe me grupin e dytë të lojtarëve, por trajneri ka kundërshtuar. Kjo ka sjellë nervozizmin e sulmuesit brazilian, që duke shkuar në dhomat e zhveshjes ka gjuajtur fort topin drejt murit, duke sharë nëpër dhëmbë Emery.
