Nje dite para mbajtjes se protestes qe ka thirrur opozita perpara Kryeministrise diten e shtune, sot rreth orës 12:00 pritet nje takim i kreut te PD Lulzim Basha me aleatët në seline blu.
Lideri i demokrateve ka deklaruar se opozita ka një strategji për protestën e së shtunës dhe një hallkë e rëndësishme është edhe reagimi i qytetarëve.
Në një lidhje live për emisionin “Opinion” në Tv Klan dje, Basha u shpreh se në fjalimin që do të mbajë përpara protestuesve, do t’u kërkojë që të marrin fatet e tyre në dorë.
“Protesta bëhet kundër padrejtësive, për një ekonomi që funksionon, për një shtet që t’i afrohet Europës.
Qytetarët përballen me një kaos rë vërtetë, 11 shpërthime. Rendi dhe siguria kanë rënë. Jemi në një situatë ku ekonomia po rrënohet ditë për ditë, me shifrat zyrtare që janë të manipuluara, javën e ardhshme do japim provat se si manipulon shifrat Edi Rama. Ekonomia është në kolaps, shqiptarët janë në panik.
E gjithë e keqja është sepse ne kemi një qeveri që nuk jep llogari para njerëzve. Akti i kapjes së kryeprokurorit është akti i fundit i një shteti… Këtu ku kemi ardhur ku nuk ka më zgjedhje, që e kemi faktuar tashmë, skandali i Saimir Tahirit e ka bërë analizën e zgjedhjeve. Shqipëria ka rënë në dorë të krimit. Edi Rama zgjodhi bashkëpunimin me krimin për të ardhur në pushtet dhe vazhdon bashkëpunimin me krimin”.
Kryetarja e LSI nderkohe ka thene disa here ne intervistat e saj ne media se protesta do te jete paqesore, teksa i ka bere thirrje policise te mos provokoje.
