Aktorja e dashur Neslihan Atagul nuk e ka harruar eksperiencën e bukur që ka përjetuar duke luajtur në krah të bashkëshortit të saj, Kadir Dogulu.
A do t’i shikojmë sërish sëbashku në një projekt? Duket se kjo ditë nuk do të jetë e largët dhe ajo thjeshtë po pret ftesën e duhur.
“Nëse më vjen një ofertë për të luajtur në të njëjtin serial me bashkëshortin tim e pranoj me kënaqësi”, tha Atagul për gazetarët në Baku të Azerbajxhanit, sipas “HaberTurk”.
Ajo u njoh me bashkëshortin e saj Kadirin gjatë xhirimeve të serialit “Mes dy Dashurish” (2013 – 2014) ku vetë luante rolin e Nerimanit, ndërsa ai Maxhitin.
Atagul tha se si pasojë e ngarkesës së madhe në punë nuk po kalonin shumë kohë me të shoqin. “Të të marrë malli për dikë që dashurin është një ndjenjë shumë e bukur, por edhe shumë e vështirë.”
Në fund ajo i’u përgjigj edhe pyetjeve rreth planeve për fëmijë, duke theksuar se të dy dëshironin shumë të bëheshin prindër, por po prisnin kohën e duhur.