Adimir Murataj, është i riu nga Fieri i cili shpëtoi dy vajzat e mitura që po mbyteshin nga nëna e tyre.
Në videon e publikuar nga newsbomb.al, Adimiri shprehet se ai kishte dalë për të peshkuar në momentin që ka parë nënën me dy vajzat, pasi ashtu kalonte kohën sepse ishte i papunë.
I pyetur nëse kishte ndonjë profesion pasi deklaroi se ishte e papunë, ai u shpreh se kishte shkuar disa herë në Zyrat e Punës dhe në Bashkinë e Fierit për të kërkuar punë, pasi kishte mbaruar shkollën për elektricist, por askush nuk i është përgjigjur.
Gjithashtu, ai ka thënë se dhe prindërit i ka papunë, ndërkohë që nuk kërkon shpërblim, pasi siç tha shpërblimi më i madh që ai ka marrë është jeta e atyre dy vogëlusheve të cilat tanimë janë mirë, por kërkon vetëm një vend pune.
Ky rrëfim i të riut nxorri në pah edhe dramën e madhe të shumë të rinjve shqiptarë; papunësinë. Ai kishte shkuar për peshkim për të hequr stresin e të qenit papunë por fati e deshi që të ndodhej në vendin e duhur në kohën e duhur dhe të shpëtonte kështu jetën e dy vogëlusheve binjake të pafajshme.
Apeli bie mbi qeverinë, biznesmenët e politikanët, pasi kudo në botë Adimiri do të ishte shpallur qytetar nderi e do të kishte marrë një shpërblim, ndërkohë që në vendin tonë ai është thjesht një i ri papunë si shumë të tjerë, edhe pse e ka një profesion.
Kujtojmë se, tre ditë më parë në fshatin Grecalli të Fierit 42-vjeçarja Rudina Kishta, pas sherrit me bashkëjetuesin i vuri flakën shtëpisë dhe u largua.
Rudina tentoi të mbyste në lumin Seman dy vajzat e saj binjake 6 vjeçare, por u shpëtuan fatmirësisht nga Adimir Murataj, i cili ndodhej rastësisht aty pasi po peshkonte.
Kjo VIDEO do t’ju lerë pa fjalë. ARDIMIRI tregon si i shpëtoi dy vogëlushet 6 vjeçare, binjake, nga nëna që donte t’i mbyste në lumë."Unë nuk dua asgjë, nuk dua as shpërblim. Shpërblimi për mua janë ato dy engjëj që jetojnë, ato të jenë të lumtura dhe të jetojnë sa më gjatë"…HERO! Mirënjohje! #Shiko #Shpërndaje
Posted by newsbomb.al on Thursday, August 16, 2018
