Zyrtari i DASH, David Kostelancik tha në Forumin e Sigurisë në Beograd se SHBA mbështet hapjen e negociatave për Shqipërinë dhe Maqedoninë e Veriut në BE.
David Kostelancik: “SHBA mbështet fuqimisht hapjen e negociatave të pranimit për Shqipërinë dhe Maqedoninë e Veriut.”
Kostelancik theksoi se pavarësisht vendimit të vendeve të BE do vazhdojë të inkurajojë Shqipërinë dhe Maqedoninë e Veriut të ndjekin reformat.
David Kostelancik: “Pavarësisht nga vendimi që Këshilli Evropian do të marrë, ShBA do të vazhdojë të inkurajojë Shqipërinë dhe Maqedoninë e Veriut të ndjekin reformat.”
Zyrtari shtoi se Amerika po i kushton vëmendje politike dhe ekonomike rajonit të Ballkanit Perëndimor.
David Kostelancik: “Një Ballkan Perëndimor më i fortë do të thotë partneritet më i fortë i BE dhe Euro-Atlantik. Ne jemi të interesuar për sundimin e ligjit, lirinë e mediave dhe luftën kundër korrupsionit në këtë rajon.”
