Sot u vetëdorzua në polici Noel Disha 29-vjeç pasi dyshohet se vrau me armë Vilson Tafçiu, shokun e tij në Astir.
Dyshohet se para se ta vriste, 29-vjeçari ka pasur dijeni për të gjitha lëvizjet dhe ka qenë pikërisht ai që e ka thirrur nga lokali dhe më pas e ka qëlluar për vdekje shokun e tij.
Sipas burimeve zyrtare nga policia Dishi i cili figuron edhe me 2 emra të tjerë Noel Kolaveri dhe Miklovan Prifti, është vetëdorëzuar pasditen e sotme pas kontrolleve, presioneve dhe bashkëpunimit me familjen e tij.
Megjithatë, teksa zbardhet deshmia e plotë Dishi mesohet se ka thene se ai nuk ka lidhje me ngjarjen.
Por ky nuk është rasti i parë që të akuzuarit për vrasje vetedorëzohen në polici, si pasojë e negocimeve apo presionit të autoriteteve.
Vrasja e teknikut të kondiciocionerit, vetëdorëzohet në polici Griseldo Kusi
Dy vëllezërit Griseldo dhe Albano Kusi 31 dhe 28 vjeç qëlluan punëtorin e kondicionerit Indrit Çelën në bashkëpunim me njëri-tjetrin, duke e lënë fillimisht të plagosur rëndë. Ata e qëlluan punëtorin, pas një debati se po pikonte ujë kondicioneri.
Griseldo Kusi u vetëdorëzua në polici ndërsa vëllai i tij ështëshpallur në kërkim.
Vrau me armë 24-vjeçarin, vetëdorëzohet në polici autori
Policia e Shkodrës bën me dije se autori i dyshuar i vrasjes së 24-vjeçarit në vitin 2015-të në Shkodër është vetëdorëzuar në polici.
Më datë 9.10.2015 Hulaj vrau me armë zjarri shtetasin me iniciale L.Gj, banues në Vau Dejës. Gjykata e Shkallës së Parë Shkodër, në datë 13 tetor 2015 ka vendosur masën e sigurisë ‘arrest me burg’ për veprat penale, “Vrasje me paramendim” dhe “Armëmbajtje pa lejë” për 33vjeçarin.
Vetëdorëzohet në polici, vrau 35-vjeçarin për gërvishtjen e makinës
Olger Mustafaj ishte i shpallur në kërkim për ngjarjen e ndodhur në 17 janar 2019 u vetë dorëzuar në polici. Mustafaj u akuzuar si autori i vrasjes së 35-vjeçarit Altin Balliu në Korçë. Altin Balliu u qëllua me armë zjarri gjatë një sherri në lokal duke gjetur vdekjen në vendin e ngjarjes.
Sherri që përfundoi me plumba nisi pasi 30-vjeçari Balliu i ka gërvishtur makinën e parkuar autorit të dyshuar.
Vetëdrëzohet në polici Ervis Murati, plagosi me armë të riun në Sauk
Vetëdorëzohet në polici autori i plagosjes së shtetasit Ervis Murati në Sauk. 25 vjeçari Ndue Ndoj u vetëdorëzua në komisariatin nr. 1 pak orë pasi qëlloi me armë drejt Ervis Muratit.
Vrau kushëririn në Dukagjin, vetëdorëzohet në polici
Në lidhje me ngjarjen e ndodhur në fshatin Gjuraj të Dukagjinit, ku u vra me armë zjarri shtetasi Gjok Arra (31 vjeç) për motive pronësie nga kushëriri i tij, policia bëri të ditur asokohe se pas negociatave të vazhdueshme, autori i vrasjes, shtetasi Luvigj Bludaj, 31 vjeç, është vetëdorëzuar te forcat e policisë.
ALPEnews.al