Austria ka marrë presidencën e Bashkimit Europian në 6 muajt në vijim deri në fund të vitit 2018. Kancelari austriak Kurz theksoi gjatë fjalës së tij se një ndër prioritetet kryesore është anëtarësimi i Ballkanit Perëndimor në BE.
Bashkimi Europian do të jetë i plotë vetëm kur vendet e Ballkanit të jenë bërë pjesë e unionit. Vendet e Ballkanit Perëndimor meritojnë anëtarësimin në Bashkimin Europian. Presidenca austriake do të bëjë më të mirën për të mbështetur procesin e anëtarësimit të këtyre vendeve në BE. Jemi të gjithë të kënaqur që Shqipërisë dhe Maqedonisë iu krijua mundësia drejt hapjes së negociatave të anëtarësimit, edhe pse ne do kishim dashur një proces më të shpejtë.
Ministrat e Jashtëm të Bashkimit Europian pak ditë më parë vendosën që negociatat për Shqipërinë dhe Maqedoninë të hapen në qershor të 2019, ndërsa deri atëherë janë vendosur disa kushte për zbatim.
