Kryetari i Grupit Parlamentar Taulant Balla pas kthimit nga Berlini deklaron se Bundestagu gjerman ka mbeshtetje të fortë për zgjerimin e BE me vendet e Ballkanit Perendimor dhe po ashtu per vijimin e procesit për Shqipërinë.
Sipas Ballës, Krischbaum beson më shumë përrallat e Lulzim Bashës, se sa Raportin e Progresit të Komisionit Evropian!
Gjithashtu Balla deklaron se Shqipëria ka tek Kancelarja Angela Merkel një simbol të besimit tonë tek Europa, duke e shndërruar po ashtu Kancelaren në një simbol të simpatisë së popullit shqiptar për popullin gjerman.
Pse jo, ndër vite tashmë të njëjtë me simpatinë për “Die mannschaft”.
Postimi i plotë
Të dashur miq, gjatë dy ditëve të qëndrimit në Berlin si pjesë e delegacionit të Kryeministrit Edi Rama, por edhe nëe kontakte të mëparshme, kam krijuar bindjen se në Bundestag-un gjerman ka mbështetje të forte për zgjerimin e BE me vendet e Ballkanit Perëndimor dhe po ashtu për vijimin e procesit për Shqipërinë.
Sigurisht në një prej parlamenteve më serioze të Evropës, respektohen procedurat dhe u jepet kohe te gjitheve për të marrë pjeseë në një debat të rëndesishëm si ky.
Prandaj as e kemi pritur dje dhe as presim që Bundestagu gjerman të thotë “PO!”-në e shumëpritur pa ezauruar fazat e procesit vendim-marrës.
Sigurisht që ka edhe deputetë që janë kundër, ndër 698 anetarë të Bundestagut. Për shembull deputetët e AFD janë kundër BE në tërësi. Po ashtu ka tek-tuk edhe deputetë të koalicionit qeverisës që janë shprehur qartë kundër apo pro qysh tani.
Një zë (deri tani i vetëm) kundeër brenda CDU-së, është edhe deputeti Gunther Krischbaum, i cili në fakt e ka pritur me shumë respekt kryeministrin dhe delegacionin tonë dhe e ka drejtuar seancën me të gjithë korrektesën që karakterizon Bundestagun.
Por ka qenë po ashtu e qartë nga një ndërhyrje e tij shume e shkurtër në fund (si dhe nga çfarë ka thëenë më parë e më pas publikisht) që zoti Krischbaum beson më shumë përrallat e Lulzim Bashës, se sa Raportin e Progresit të Komisionit Evropian!
Për këtë ne nuk mund t’i vëmë asnjë faj deputetit gjerman, përderisa shejtanin në barkun e tij e kanë futur kolegët tanë opozitarë nën drejtimin e Lulëzim Bashës…
I cili ndryshe nga çfarë ka propaganduar këtu kur ndodhi ajo që nuk donte, pra rekomandimi pozitiv, atje ka lenë kokrren e namit me të zezat që ka thëne për Shqipërinë!
Megjithate une jam kthyer nga Gjermania me bindjen se Shqiperia ka një shumicë të mjaftueshme mbështetëse ndër 698 anetarët e Bundestagut dhe kjo është gjëja më e rëndësishme.
Shqipëria ka tek Kancelarja Angela Merkel një simbol të besimit tonë tek Europa, duke e shndërruar po ashtu Kancelaren në një simbol të simpatisë së popullit shqiptar për popullin gjerman. Pse jo, ndër vite tashmë të njëjtë me simpatinë për “Die mannschaft”.
