Legjenda e Juventusit, tani zëvendës-president i klubit, Pavel Nedved pranon se Napoli po bën gjëra të jashtëzakonshme, por Zonja e Vjetër dëshiron të fitojë të tre trofetë këtë sezon.
Bardhezinjtë kanë fituar Scudetto për gjashtë sezonet e fundit radhazi në Serie A, por momentalisht e gjejnë veten një pikë pas Napoli pas 20 ndeshjeve të luajtura.
Por, Nedved ka theksuar se Bianconerët nuk do të dorëzohen në garën për titull, teksa dëshirojnë të fitojnë edhe Kupën e Italisë dhe Ligën e Kampionëve.
“Nëse arrijmë të fitojmë Scudetton e shtatë, e cila është objektivi ynë, do të jetë mbrojtja më e vështirë e titullit”.
“Ne jemi ende në të tri garat dhe ne duam të fitojmë të gjitha. Prioriteti më i madh për tifozët tanë është Liga e Kampionëve, por prioriteti im është të fitojmë të tri garat”.
“Unë kurrë nuk i ul ambiciet e mia dhe vlerësoj se djemtë tanë po vazhdojnë ende të përparojnë”.
“Disa nga lojtarët tanë mund të fitojnë Scudetto e tyre të shtatë radhazi, e cila me të vërtetë është e mahnitshme”, përfundoi legjenda çeke.
