I apasionuar pas akuakulturës Hamez Gashi këtë të mërkurë në një lidhje për “Abc-në e Mëngjesit”, ka treguar për pasionin e tij.
Gashi është shprehur se në vend të një pishine në oborrin e shtëpisë së tij ai ka ndërtuar një akuariumin gjigand, ku ka zgjedhur që brenda tij të ketë peshq të veçantë.
“Ky është një pasion si shumë pasione të tjera, Në fillim kisha akuarium të vogël dhe më pas u arrit që unë bëra të mundur ndërtimin e një akuariumi të tillë. Ka 17 vite që unë e kam këtë pasion, kam 31 peshq në akuarium. Ky është një peshk koijaponez, një peshk i butë. Me raste bëj edhe shitje të tyre”, është shprehur ai.
Ndër të tjera ai ka theksuar se në fillim ishte kundërshtuar nga bashkëshortja por pastaj duket se të gjithë janë të apasionuar dhe kujdesen për peshqit.
