Mbi 50 personazhe LGBT interpretojnë në serialin që ka për protagonistë edhe pesë transgender, të interpretuar nga aktorë të vërtetë që janë dhe transseksualë.
Seriali “Pose” ka hyrë tashmë në historinë e televizionit falë kastit të aktorëve që deri tani nuk ishte parë ndonjëherë. I ambientuar në vitet ‘80, “Pose” tregon për jetën sociale dhe kulturore në New York, e parë nga këndvështrimi i komunitetit LGBT.
Tetë episodet e sezonit të parë parashikohet të nisin transmetimin këtë verë.
Ideja ishte e Ryan Murphy, autor i “Nip/Tuck”, “Glee”, “American Horror Story”.
Ai e përshkroi në këtë mënyrë këtë projekt:
“Është një serial mbi tema universale të kërkimit të identitetit, familjes dhe respektit. Është një muzikal, por ofron edhe një vështrim mbi jetën në Amerikën e viteve ’80.
Jam tepër krenar që kam përfshirë një numër të madh të aktorëve trans, me role të vazhdueshme në një prodhim televiziv amerikan. Sezoni i parë përfshin mbi 50 personazhe LGBT. Ky është një rekord”.
Pesë personazhet transgender janë:
MJ Rodriguez (Luke Cage),
Indya Moore (Saturday Church),
modelja dhe balerina Dominique Jackson,
Hailie Sahar (Mr. Robot)
Angelica Ross (Her Story).