Pantallonat e gjata afro 70 metra që peshojnë 700 kilogramë, janë vepër e rrobaqepësit zviceran, që është në garë për çmimin e pantallonave më të mëdha në botë.
Rrobaqepësi Ekvandekar Kelesh, pantallonat gjigante i prezantoi të dielën para banorëve të qytetit Beromunster – duke theksuar se i janë dashur tetë muaj që t’i përfundojë ato.
“Është një mundësi e mirë për rritjen e vetëdijes për ndotjen që po i bëhet planetit tonë nga plastika”, ka deklaruar Patrick Hurshelas, që është përkrahësi më i madh i Keleshit në rrugën e rekordit të ri.
11-vite më parë, Kelesh arriti në Zvicër nga Siria dhe gjithmonë kishte ëndërruar që të realizojë një projekt të tillë.
Gjatë qepjes atë e ndihmuan 50 persona, ndërkaq materiali i përdorur ka kushtuar 4,000 euro që i ka dhuruar një sponsor që ka dashur të mbetet anonim.
Deri më tani pantallonat më të gjatë që janë qepur – janë ato prej 65,5 metrave në Lima Peru, e ky rekord botëror është arritur në vitin 2019.
