Një tjetër ngjarje e rëndë ka tronditur qytetin e Shkodrës mëngjesin e sotëm.
Dy vëllezër janë vrarë me breshëri plumbash teksa po dilnin nga shtëpia. Ata janë Astrit dhe Ibrahim Bilali, 59 dhe 61 vjeç.
Astrit Bilali eshte babaj i Asmer Bilali, i arrestuar si pjesë e grupit “Bajri” në Shkodër, ndërkohë që grupi kundërshtar i tyre janë Licajt. Dyshohet që pikërisht lufta mes këtyre bandave të këtë sjellë viktimat e radhës.
Dy vëllezërit që mbetën të vrarë
Vetëm 10 ditë më parë, Shkodra u trondit nga një tjetër vrasje, ajo e Ferdinand Polisë ose të quajtur ndryshe “Nardi i Bujtinave”.
Ferdinand Polia
Ajo që bie në sy është se hetimet për Polinë çojnë në pistën e shënjestrës së gabuar.
Duket se në Shkodër po kërkohet “koka” e dikujt, pasi në vetëm muajt e fundit janë regjistruar një seri vrasjesh që kanë lidhje me njëra tjetrën.
Kujtojmë këtu se gjithçka nisi në 2018 nga vrasja e çiftit Boran Bërçana dhe bashkëshortes së tij Silvi të cilëve iu bë atentat në makinë së bashku më fëmijën e tyre që shpetoi mrekullisht.
Përgatiti: AlpeNews.al
