Një sherr në qytetin e Birminghamit në Angli, do të prangoste një shqiptarë me emrin Sokol Hoxha.
Editori i krimeve Jon Austin i gazetës Sunday Express i ka kushtuar një shkrim historisë së Sokol Hoxhës i cili krahas vrasjes së bashkëshortes kërkohet edhe për një tjetër vrasje të dyfishtë në Patos.
Policia britanike mendonte se i arrestuari në Birmingham ishte i kërkuari në Belgjikë.
Ky arrestim vuri në lëvizje të menjëhershme edhe Drejtorinë e Interpol Tiranës e cila Sokol Hoxhën e ka në listën e personave më të kërkuar, madje vitin e shkuar ai shpall si një ndër 10 më të kërkuarit në qarkun e Fierit.
Për Interpol Tiranën , Sokol Hoxha është një person që prej 23 vitesh i ka shpëtuar vuajtjes së dënimit me 25 vite burg për një vrasje të dyfishtë ndodhur në vitin 1997.
Menjëherë nisën procedurat e ekstradimit në gjykatën e Londrës dhe me ndihmën e një përkthyesi shqiptarë, shkuan Sunday Express, shkrim që i referohet Top Channel, Sokol Hoxha tha se ishte qytetar i Serbisë.
Ai paraqiti një dokument me datë dhe vend lindje të ndryshme nga Sokol Hoxha i kërkuar nga Belgjika dhe Shqipëria.
“Si Shqipëria ashtu edhe Belgjika e kishin të pamundur ti sillnin gjykatës si prova shenjat e gishtërinjve apo AND-n e të kërkuarit Sokol Hoxha” shkruan Jon Austin.
Në të tilla kushte gjykatësi Paul Goldsmith e la të lirë Sokol Hoxhën e Birminghamit, pasi nuk mund të vërtetohej se ai ishte vrasësi i shumë kërkuari i Shqipërisë dhe Belgjikës.
