Është arrestuar mëngjesin e sotëm në Spitallë të Durrësit krahu i djathtë i Pëllumb Muharremit, i njohur si “Rrumit”, Agron Bejdolli.
Ai ishte shpallur person në kërkim për pengmarrjen në bashkëpunim të vëllezërve Beqiraj në vitin 2022 dhe njihet si pjesë e grupit kriminal të Aleksandër Lahos. Bejdolli u kap në një banesë në Spitall, ku dyshohet se fshihej, teksa ndaj tij ishte caktuar masa e sigurisë Arrest në burg.
Pengmarrja e Gentian dhe Indrit Beqiraj zgjati disa minuta dhe ndodhi në fillim të tetorit të vitit 2022 autostradën Durrës-Tiranë. Vëllezërit pasi u lanë të lirë denoncuan në polici ngjarjen, ndërsa hetimet e mëtejshme zbardhën të tjera ngjarje kriminale. Dëshmitë e vëllezërve çuan në zbulimin e një rrjeti vrasësish me pagesë.
Bejdolli ishte një prej 4 personave që i prenë rrugën me një automjet dy vëllezërve në afërsi të mbikalimit të Maminasit, ndërsa ata ishin nisur të vrisnin dy shtetas me porosi të një efektivi të policisë së burgjeve që, sipas dëshmive të tyre, kishte parapaguar 3500 euro për krimin.
