Rrëzë shpatit jugperëndimor të Malit të Gjerë, në rrethin e qytetit të Delvinës ndodhet fshati mesjetar i Kamenicës. Dikur e cilësuar një qendër banimi, lidhëse e disa rrugëve me qytetin. Midis fshatit të ri Kopaçes dhe fshatit që u krijua pas braktisjes së Kamenicës, Palavli.
Tashmë një vend me rrënoja në të dyja shpatet e kodrave, ndërtime të shumta rreth qendrës së fshatit, ndërtime kulti, rrugë të ngushta e gjarpëruese dhe oborret që nuk mungojnë. Trashëgimia arkitektonike e së kaluarës është një tjetër vlerë që e karakterizon këtë fshat që duket sikur i përket një shekulli tjetër.
Fshati Kamenicë dallohet për origjinalitetin e tij dhe njekohësisht për qetësinë e mengjeseve të freskëta në prag të dimrit. Gjelbërimi që lulëzon, ajri i pastër dhe ato rrënojat të mbushin me dëshirë për jetën, sikurse të kujtojnë vlerën e paçmuar të kohës.