Më 16 korrik të vitit 1969, nisi udhën drejt Hënës, misioni i anijes kozmike “Apollo”. Sot u mbushën plot 50 vjet nga ky çast, i cili u shënua përjetësisht si një prej ngjarjeve më të rëndësishme në historinë e njerëzimit.
“Kemi vendosur të shkojmë në Hënë dhe të realizojmë arritje të tjera në këtë dekadë, jo sepse janë objektiva të lehta, por sepse janë të vështira”- kishte deklaruar Presidenti John Kennedy i cili nuk jetoi aq sa ta shihte të realizuar ëndrrën e tij.
Katër ditë më pas, më 20 korrik, njeriu i parë zbriti në sipërfaqen e Hënës. Neil A. Armstrong, Edward E. Aldrin dhe Michael Collins realizuan ëndrrën shumëvjeçare të njerëzimit për të eksploruar kufijtë jashtë planetit tonë.
Armstrong ishte njeriu i parë që kreu ecje në sipërfaqen e panjohur të Hënës; ai u pasua 18 minuta më vonë nga Buzz Aldrin. Ecja në Hënë shënoi fitoren e SHBA në garën e Luftës së Ftohtë me Bashkimin Sovjetik.
/Marrë nga Alfred Pez@, blogu personal