Na duket vetëm neve, apo kohët e fundit sikur u ndanë të gjithë? Shoqja e ngushtë, motra, komshija që kishte 6 vite që dilte në mes të natës me të dashurin e adoleshencës…po dëgjonim kaq shumë lajme të hidhura për çiftet që deri dje shpreheshin shumë të dashuruar dhe betoheshin që s’do të ndaheshin kurrë, sa nisëm të mendojmë seriozisht rreth arsyeve që sjellin përfundimin e lidhjeve.
Prandaj vendosëm të bëjmë një sondazh për ta mësuar nga eksperienca e lexuesve tanë. Pyetja që shtruam ishte ‘arsyet që ju çuan drejt ndarjes nga ish-i’ dhe renditëm 12 arsyet kryesore që dihet botërisht që kërcënojnë lumturinë e të dashuruarve.
Arsyeja kryesore e ndarjeve ishin zënkat. 25% e pjesëmarrësve në sondazh pohuan se janë ndarë nga partneri/partnerja sepse ‘ziheshin gjatë gjithë kohës’. 20% e çifteve janë ndarë sepse partneri ‘i bënte të ndiheshin sikur nuk ishin mjaftueshëm’. 15% e të anketuarve zgjodhën tradhëtinë si arsyen që solli ndarjen, ndërsa 14% i gënjyen dhe thjesht s’mund t’i besonin më.
Më të rralla ishin ndarjet që vinin nga mungesa e përkushtimit dhe hezitimi për të hedhur hapa të tjerë në marrëdhënie (5%) apo sepse partneri një ditë të bukur harroi se dashuria nuk mjafton për të mbajtur gjallë një lidhje, por janë detajet e vogla dhe gjestet romantike që bëjnë ndryshimin.
Rezultatet e sondazhit mund t’i shihni më poshtë. Duke njohur dhe analizuar mirë armiqtë kryesorë të një lidhjeje, mund të punoni me partnerin tuaj për t’i shmangur dhe forcuar më tepër marrëdhënien që keni ndërtuar./ anabel
Rezultatet e anketimit
