“Universal Pictures” ka publikuar trailerin e plotë zyrtar të filmit të tretë të sagës “Fifty Shades”. Teksa pjesa e parë e trailerit e publikuar në shtator na shfaqte një atmosferë dasme mes protagonistëve kryesorë të filmit, kjo video e plotë përmban shumë më tepër rrezik, xhelozi dhe sigurisht seks! Mesa duket muaji i mjaltit nuk zgjat shumë dhe jeta e çiftit bëhet problematike teksa Ana kërcënohet nga shefi i saj i mëparshëm, Jack Hyde, i cili betohet për hakmarrje për largimin e saj nga “SIP”. “Fifty Shades Freed” pritet të jetë një tjetër sukses i jashtëzakonshëm, i cili do të stërmbushë kinematë kudo në mbarë botën më 9 shkurt 2018.