Burimet e Drilonit ndodhen në afërsi të fshatit Tushemisht 4 kilometra larg qytetit të Pogradecit. Ndryshe njihet me emrin e vjetër Volorek.
Vjeshta është kënaqësi me vete burimet e pastra dhe pejsazhi që kanë krijuar ngjyrat të mahnitin. Rreth e rrotull ka shelgje vajtuese që prekin sipërfaqet e burimeve ose liqeneve të vogla të Drilonit.
Aty pranë ka disa restorante e lokale të vogla rreth burimit dhe pemëve magjike të vjeshtës,që të japin mundësi të shijosh bukurinë e krijuar nga vetë natyra. Peisazhin e bukur mund ta shijosh duke bërë shëtitje me varkë e aty shikon mjelmat e bardha dhe patat që ndiqen varg njëra mbas tjetrës.
Gjatë shëtitjes me varkë ke mundësi të shkosh deri atje ku lind burimi i Volorekës.
Në peisazh sundon një ngjyrë ndryshku, që kalon lehtësisht tek e verdha ose tek e kuqja e thellë duke u krijuar një lojë gjyrash nga vetë natyra e mrekullueshme. Një fundjavë në Drilon është e mrekullueshme sepse natyra dhe ajri i pastër të lën mbresa.