Ndërkohë që në diskutimin e bërë në nisje të emisionit “Real Story”, të mbrëmjes së sotme, Spartak Ngjela, ka vlerësuar me bindje dhe argumenta juridik fatin e keq të presidentit Ilir Meta, më tej ka dhenë dhe alternativën e kundërt. Atë të shpëtimit të tij nga burgosja. Në burg apo në presidencë deri në fund të mandatit? Kjo ka qenë pyetja të cilës Ngjela i është përgjigjur:
“Shpëtimin e Ilir Metës e ka në dorë OMN-ja. Ata që po e bëjnë drejtësinë e re dhe që do shpëtojnë fatin euroatlantik të Shqipërisë do shpëtojnë ose jo dhe Ilir Metën. Kjo varet nga vendimi që ata do të marrin. Do vendosin ta burgosin apo ta lenë jashtë, këtë nuk e dimë, presim ta shohim. Për mua si jurist e përsëris, Presidenti po shkon drejt penalizimit, pra drejt burgut. Do ta lejojnë këtë apo jo ata që po menaxhojnë Reformën në Drejtësi e dinë”.
