Pasi largoi të komanduarit dhe disa prej prokurorëve të emëruar, kryeprokurorja e Përkohshme, Arta Maku ka vendosur të ndryshojë edhe strukturën e institucionit të akuzës.
Struktura e re do të përbëhet nga katër drejtori të rëndësishme.
Siç duket edhe Marku ka marrë mësime nga kryeministri Edi Rama i cili bëri ndryshime strukturash për të larguar të padëshiruarit. Edhe kryeprokurorja me këtë mënyrë do të mund të largojë të gjithë ata që nuk i dëshiron.
Ndërkohë, bëhet e ditur se sot do të shkrihet Drejtoria e Hetimit, pasi me ligjin e ri prokurorët janë të pavarur në procesin e hetimit dhe vendimmarrjen e tyre e vlerëson gjykata.
Drejtoritë që do të përbëjnë strukturën e re të Arta Markut në Prokurorinë e Përgjithshme
Drejtoria Gjyqësore
Drejtoria e Telekomunikacionit dhe Përgjimeve
Drejtoria e Marrëdhënieve me jashtë, Dekriminalizmit, Mbrojtjes së Dëshmitarëve
Drejtoria e Inspektimit
Mbrëmë në prokurori është zhvilluar një mbledhje orët e vona dhe është finalizuar me vendimin për miratimin e strukturës së re të kryeprokurores Arta Marku në Prokurorinë e Përgjithshme.
Ndërkohë, mësohet se me ndryshimet e reja hiqen komandimet, gjë që pritet të pasohet më një sërë ndryshimesh sa i përket drejtuesve të prokurorive në Tiranë e rrethe. Tashmë pritet të zbardhet edhe numri i prokurorëve që janë të komanduar në Prokurori, pasi kjo ka qenë edhe një nga pikat kryesore të platformës së Arta Markut.
