Sekretari i Përgjithshëm i Partisë së Lirisë Tedi Blushi, ka zhvilluar sot takime me drejtues të kësaj partie në qarkun e Korçës.
Në një postim në Facebook ai ka ndare foto nga takimi dhe ka vlerësuar punën e strukturave për t’i dhënë fund korrupsionit në çdo qelizë.
“Partia e Lirisë është e vendosur për t’ua kthyer Bashkinë në shërbim të qytetarëve dhe për t’i rikthyer Korçës shkëlqimin e merituar, si model qytetarie, simbol të dijes, kulturës, artit dhe lirisë”, ka shkruar ai.
Postimi i plotë:
Kënaqësi të takoja sot në Korçë ekipin e mrekullueshëm drejtues të Partisë të Lirisë!
Mirënjohje për punën e palodhur dhe përkushtimin e jashtëzakonshëm të të gjitha strukturave vendore për t’i dhënë fund korrupsionit në çdo qelizë dhe shkatërrimit të vlerave qytetare, kulturore, arsimore dhe historike.
Partia e Lirisë është e vendosur për t’a kthyer Bashkinë në shërbim të qytetarëve dhe për t’i rikthyer Korçës shkëlqimin e merituar, si model qytetarie, simbol të dijes, kulturës, artit dhe lirisë.
Ndryshimi është i pandalshëm dhe shumë afër!
