Apple ka vendosur të përfshijë një kabllo të ngarkimit me një lidhje USB-C në kutitë e gjeneratës së re të iPhoneve të prezantuar në 12 shtator.
Ky veprim do të mundësojë ngarkimin e shpejtë të telefonave inteligjentë, por do të thotë se disa pronarë të iPhone-ve nuk do të jenë në gjendje të lidhin celularët e tyre me pajisje shtesë ekzistuese dhe PC.
Deri tani, Apple ka dërguar gjithmonë kabllo të ngarkimit me lidhësin USB-A për t’u lidhur në ngarkuesin e rrjetit, kompjuterin, sistemin “infotainment” në makinë dhe shumë të tjera.
Përditësimi i fundit do të zëvendësojë këtë lidhës për një USB-C, i cili pritet të bëhët bëhet lidhja standarde e industrisë.
Megjithatë, ndryshimi ka të ngjarë të sjellë disa probleme të pajtueshmërisë me përdoruesit, pasi ata që blejnë harduerin më të fundit të iPhone nuk do të jenë në gjendje të përdorin kabllin e ri me ngarkuesin kryesor që e kanë me celularin e tyre të vjetër – pasi seria e mëparshme përdor USB-A.
