Një i ri 22 vjeçar ka përfunduar ne sanatorium, i sëmurë nga mushkëritë.
Mjeket i kane thënë se si pasojë e ndotjes, ka pësuar dëme të mëdha në shëndet.
Pasojat e ndotjes po kthehen në një rrezik të madh për shqiptarët. Vetëm në një vit diagnostikohen rreth 700 persona të prekur me sëmundjet pulmonare. Pneumologia nëë spitalin “Shefqet Ndroqi”, Silvana Bala thotë se në një ambient ku nuk zbatohen rregullat, jemi te gjithë te rriskuar për t’u prekur nga sëmundjet.
Sipas Balës, shteti duhet të marrë masa që të reduktoje në maksimum ndotjen.
Të paktën 9 milionë njerëz kanë vdekur për shkak të ndotjes së ajrit në mbarë botën. Kjo shifër alarmante ka shqetësuar Organizatën Botërore të Shëndetit. Sipas një studimi të ri, ndotja e mjedisit është vrasësi numër 1, duke shkaktuar më shumë vdekje të parakohshme se sa lufta, terrorizmi, apo fatkeqësitë natyrore.