Një tjetër ngjarje e shëmtuar u përsërit serish sot në jug të vendit. Më herët në media u raportua se një pronar restoranti në Sarandë ndoqi klientin në rrugë me thikë, pasi ky i fundit u ankua për faturën e kripur.
Në videon e cila u bë virale në rrjet, shihet se si 48-vjeçari Alban Çobaj ndjek me thikë në rrugë klientin e tij.
Pas ngjarjes Çobaj është shpallur në kërkim nga policia.
Kjo nuk është hera e parë që ngjarje të shëmtuara ndodhin në Shqipëri, ku pak vite më parë Mihal Kokëdhima bëri të njëjtin gjest ndaj klientëve duke i sharë dhe kërcënuar, madje i ndoqi në rrugë edhe me makinë.
