Altin Kuka, autori i ngjarjes tragjike në Roskovec, ku humbën jetën nga breshëria e plumbave dy vëllezërit Gramoz dhe Lavdimir Kurtaj, është shprehur i penduar dhe tha se akti ndodhi nga gjaknxehtësia.
Ndërkohë Policia e Fierit po dokumenton ngjarjen dhe ka vënë në pranga edhe djalin e autorit, i cili bashkë me tre kushërinjtë e tij u vu në pranga disa orë pas vetëdorëzimit të të atit.
Gjithashtu, në banesën e familjes Kuka në Kurjan është gjetur një armë tip pistolete, që dyshohet se e ka pasur me vete djali i Altin Kukës gjatë përballjes me të ndjerët, vëllezërit Kurtaj.
