Sot, më 8 dhjetor 2024, rreth orës 16:30, në Vlorë u raportua për një aksident në aksin rrugor “Sazani”, në lagjen “1-Maji”, pranë kryqëzimit të Hotel Kral. Dy automjete, një Audi me targa AB 978 LO dhe një Mercedes-Benz me targa AB 142 EZ, u përplasën me njëri-tjetrin. Policia Rrugore mbërriti menjëherë në vendngjarje dhe filloi hetimet.
Pas verifikimeve të para, autoritetet dyshojnë se aksidenti nuk ishte një ngjarje e zakonshme, por mund të ketë qenë i sajuar nga drejtuesit e mjeteve, me qëllim përfitimin e dëmshpërblimeve nga siguracionet e mjeteve.
Hetimet janë në vazhdim dhe aktualisht po shqyrtohet mundësia që ngjarja të ketë lidhje me një mashtrim për siguracione. Për këtë çështje po punohet nga Krimi Ekonomik, i cili po kryen një hetim të detajuar për të sqaruar plotësisht ngjarjen.
