Një ngjarje e rëndë ka ndodhur pak ditë më parë në Tiranë, aty ku një 82-vjeçare ka rënë pre e dhunës së një të riu.
Burimet zyrtare bëjnë me dije se ngjarja ndodhi më datë 7 në Tiranë në rrugën “Dhimitër Shuteriqi”, ndërsa lajmi është bërë i ditur sot.
Shtetasi me inicialet R.H., 31 vjeç akuzohet se ka goditur me grushte shtetasen me inicialet M.M., banuese në Tiranë.
Materialet ndaj të riut i janë referuar prokurorisë.
“Më datë 11.05.2018, u referuan materialet në Prokurorinë pranë Gjykatës së Shkallës së Parë Tiranë, për shtetasin R.H., vjeç 31, banues në Tiranë, pasi dyshohet se më datë 07.05.2018, në rrugën “Dhimitër Shuteriqi”, ka goditur me grusht, shtetasen M.M., vjeçe 82, banuese në Tiranë. Neni 90 i Kodit Penal”, njofton policia.
