Një grabitje me dhunë është shënuar në Tiranë, ku një person i është marrë telefoni dhe çanta që kishte në dorë.
Ngjarja është shënuar pasditen e së hënës, ku pas denoncimit efektivët e komisariatit nr.3 bënë arrestimin e të dyshuarit.
I ndaluari është M. K., 30 vjeç, i cili akuzohet se në rrugën “Dedë Gjoluli”, ka goditur me sende të forta shtetasin Ç. S. dhe i ka marrë me dhunë telefonin dhe një çantë me sendet personale.
Ndaj të dyshuarit hetimet janë në vijim për të zbuluar ngjarje të tjera ku mund të jetë i përfshirë.
