Menduat se i dini të gjitha. Sa shumë gaboheni! Sepse gjithça mund të ndodhë, jetojmë në Tironë…
Përshembull mund të jesh duke bërë një xhiro për qejfin tënd andej nga rrethrrotullimi i sheshit Shqiponja, duke hyrë ose duke dalë nga kryeqytetit kur papritur përpara të shfaqet një pamje e tillë.
Në fillim nuk u beson syve, pastaj të bie celulari. Por nuk e ngre se ke frikën e policit rrugor që aty nuk mungon asnjëherë. Po sikur të kenë porositur ata të shtëpisë pizza taxi dhe ti kenë dhënë numrin tënd që ti tregosh adresën e saktë?
E kur sheh sërisht pamjen në krahun tënd të djathtë, të bëhet sikur dëgjon…: Alooo! Ju e kishit porositur këtë picën me dy këmbë?
O Zot. Çdo gjë e kemi pritur por një picë të tillë, kurrë. As një pamje si kjo, me një fëmijë të futur në koshin e motorri picash nuk e kishim pritur.
Kjo foto është shkrepur tek Shqiponja, në një nga rrugët më problematike në kryeqytet, si për të na simbolizuar më mirë… Dy kokat e Shqiponjës lart dhe dy këmbët e fëmijëve tanë jashtë koshit të një motorri picash.
Por në gjithë këtë skenë surreale, ka gjithësesi diçka të mirë: Të paktën drejtuesi i motorrit, ka vënë kokore.. të paktën… Ndërsa unë mbaj në makinë një “small box”… E ta mendosh që BE, si për inatin tonë, vazhdon e na e vonon akoma integrimin.
AlpeNews.al