Ervin Çeka është arrestuar nga policia pasi ka tentuar të vrasë ish-vjehrrin e tij, duke e përplasur me makinë.
48-vjeçari, sipas policisë me makinën që drejtonte ka tentuar të përplasë 68-vjeçarin A.U, i cili po udhëtonte me biçikletë në korsinë e dedikuar për biçikleta.
Ngjarja ka ndodhur një ditë më parë në rrugën “Marin Biçikemi”
‘Ky shtetas, më datë 02.03.2024, në rrugën “Marin Biçikemi”, dyshohet se për motive të dobëta, me automjetin që drejtonte, ka përplasur me dashje biçikletën me të cilën po lëvizte në korsinë e dedikuar për biçikleta, ish-vjehrri i tij, shtetasi A. U., i cili është jashtë rrezikut për jetën.’- njofton policia.
Automjeti që drejtonte Ervin Çeka, është sekuestruar në cilësinë e provës materiale.
48 vjeçari, banues në Shkodër, u arrestua për veprën penale “Vrasja me paramendim”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
