Refuzimi vazhdimit i propozimit për lidhje ka bërë që 29-vjeçari t’i dalë përpara në rrugë vajzës duke e goditur me grushte në kokë.
Ndaj tij është regjistruar procedim penal dhe do përballet në gjykatë.
I refuzoi propozimin për lidhje, djali dhunon brutalisht 22-vjeçaren.
Ngjarja ka ndodhur në fshatin Gurrë, Njësia Administrative Qukës, në Librazhd.
Sipas policisë, E.D, vjeç 29, banues në Bërzeshtë, ka goditur me grushte F.H, vjeç 22 banuese në Gurrë.
Sipas burimeve policore vajza e ka refuzuar vazhdimisht djalin.
Por ai këmbulte me forcë.
Pas ngjarjes së djeshme ai do të përballet me drejtësinë.
Njoftimi i policisë:
Më datë 06.04.2018, u referuan materialet në Prokurorinë pranë Gjykatës së Shkallë Parë Elbasan, për shtetasin E.D, vjeç 29, banues në fshatin Bërzesht, pasi në fshatin Gurrë, ka goditur me grushte shtetasen F.H, vjeç 22 banuese në Gurrë.
