Dhuna në familje po merr përmasa alarmante në Gjirokastër. Në tetë muajt e fundit janë shënuar 58 raste të dhunës në familje të verifikuara nga ana e Policisë së Gjirokastrës si dhe organit të akuzës. Ky është një numër rekord i shënuar në Gjirokastër në raport me të njëjtën periudhe të vitit të kaluar.
Rastet janë shënuar në periudhën janar-korrik çka shënon një rritje në masën 50% të këtij fenomeni. Pjesa më e madhe e rasteve janë nga Tepelena dhe me pas Gjirokastra ndërkohë që numrin më të paktë e shënon Përmeti me vetëm 5 raste të dhunës në familje.
Gati në 70% të rasteve kanë qenë dhunë mes bashkëshortëve dhe pjesa e ngelur dhunë e ushtruar nga fëmijët në dëm të prindërve, kryesisht të moshuarve.
