Një aksident pa pasoja është regjistruar pasditen e sotme në qendër të qytetit të Elbasanit, tek rrethrrotullimi i “1 Majit”, ku janë përplasur dy makina.
Por nuk është mbyllur me kaq, pasi drejtuesit kanë dalë nga makinat dhe janë konfliktuar fizikisht duke fajësuar njëri tjetrin për shkakun e aksidentit.
Gazetari i ABC, Aldo Kozarja raporton se njëri nga drejtuesit e makinave ka goditur me një shkop dhe sende të forta shoferin tjetër duke i shkaktuar plagë në trup, ndërsa është transportuar për ndihmë mjekësore në spitalin Kirurgjik të Elbasanit.
Policia ka mbërritur në vendin e ngjarjes.
