Një 27-vjeçar është vënë në pranga nga policia e Durrësit, pasi dyshohet se i vuri zjarrin gjatë mesnatës, një makine të parkuar përpara një banese në Spitallë.
Njoftimi i policisë:
Shërbimet e Komisariatit të Policisë Durrës, pas marrjes së denoncimit nga një shtetase, se gjatë mesnatës i kishin vënë zjarrin automjetit që e kishte parkuar përpara banesës së saj, në Spitallë, kanë organizuar menjëherë punën për identifikimin dhe kapjen e autorit.
Si rezultat i veprimeve të shpejta hetimore është bërë i mundur identifikimi dhe arrestimi i autorit të dyshuar të djegies së automjetit, shtetasit E. Xh., 27 vjeç, banues në Durrës, i dënuar më parë për veprën penale “Dhuna në familje”.
Materialet i kaluan Prokurorisë pranë Gjykatës Durrës, për veprime të mëtejshme, për veprën penale “Shkatërimi i pronës me zjarr”.
