Një ngjarje sa e rëndë, aq dhe e pazakontë ka ndodhur në Itali, ku një çift ka harruar djalin 7 vjeç në mes të rrugës, teksa niseshin me pushime.
Gjithçka ka ndodhur pasi në momentin që prindërit do të niseshin, çifti ka debatuar me njëri-tjetrin, duke mos e pasur vëmendjen tek 7-vjeçari.
Burri ishte nisur me rulotë për në destinacionin e pushimeve, ndërsa gruaja me makinë personale. Djali që ishte në rulotën e babait ka zbritur për të shkuar në makinën e nënës së tij, por kjo e fundit nuk ishte aty, pas ishte nisur për rrugë pak momente më parë, duke menduar se djali ishte me të atin. Të njëjtën gjë mendonte dhe babai për të birin, duke u nisur, pa kontrolluar nëse ai kishte mbërritur tek nëna.
Fëmija ka qëndruar i vetëm në rrugë dhe ka filluar të qajë, duke alarmuar kalimtarët, të cilët kanë lajmëruar policinë.
