Skenar si nëpër filma mund të konsiderohet ngjarja e mbrëmshme në Prizren. Policia ka marrë një telefonatë për një rast ushtrimi dhune në familje.
Kur tre efektivë policie kanë mbërritur në vendngjarje, personi i akuzuar, i identifikuar si Kushtrim Buduri, i ka sulmuar.
Mësohet se në orët e mbrëmjes së të hënës, pas një konflikti verbal i arrestuari ka ushtruar dhunë ndaj bashkëshortes dhe prindërve të tij.
Në momentin që patrulla policisë ka mbërritur në banesën e tyre, i dyshuari iu është vërsulur edhe atyre, duke i sulmuar tre efektivët që ndodheshin në makinë duke u shkaktuar lëndime.
Kushtrim Buduri ka arritur që të largohet me makinën e tij, të cilën e braktisi dhe ka nisur të ikë me një mjet tjetër.
Por pas mesnate, policia arriti që ta sinjalizojë në një rrugë në qytet. Por sërish ai tentoi të arratiset dhe efektivët i janë vënë pas në ndjekje derisa e kanë vendosur në pranga, raporton Gazeta Sinjali.
Mësohet se Buduri është përdorues i lëndëve narkotike dhe ka qenë i akuzuar edhe më heret për ushtrim dhunë në familje.
Tani ai akuzohet për veprat penale “Dhunë në familje, Vrasje në tentativë dhe Dëmtim i pronës’
