Luhatjet ekonomike pas tërmetit të 26 nëntorit përveçse ndryshuan parashikimet e bërë për rritjen e saj, do të jenë prezente për disa tremujor të këtij viti. Në këtë përfundim ka dalë banka e Shqipërisë në raportin e parë të Politikës Monetare për këtë vit. Sipas analizës së kryer goditja e tërmetit do të jetë më pak e ndjeshme në vitin 2021, kohë kur banka pret që inflacioni të kthehet në objektiv prej 3%.
Tërmeti po ashtu parashikohet të ndikojë negativisht edhe në treguesit makroekonomik, në një reduktimi të mundshëm të konsumit të familjeve dhe bizneseve kryesisht në zonat e prekura nga tërmeti, reduktim të investimeve private, ndikim tek turizmi dhe aktivitetet e tjera ekonomike. Por që pritet të përmirësohet situata nga programi i rindërtimit.
Për të gjitha këto ndikime negative, Banka paralajmëron një të ndërmarrë një lehtësim të mëtejshëm të qëndrimit të politikës monetare.
“Në rast se ky informacion sugjeron një ecuri më të ngadaltë të ekonomisë dhe inflacionit krahasuar me projeksionet tona aktuale, Banka e Shqipërisë mbetet e gatshme të ndërmarrë një lehtësim të mëtejshëm të qëndrimit të politikës monetare”, thuhet në raportin e publikuar.
Efekti negativ i tërmetit është reflektuar menjëherë edhe tek depozitat si dhe stoku i tyre. Sipas të dhënave depozitat në total vlerësohen në rreth 70.4% si raport të PBB-së në fund të vitit, duke shënuar rritje mesatare vjetore me 5.7% në tremujorin e katërt, krahasuar me normën prej 4.7% në tremujorin e tretë. Depozitat më të shumta kanë qenë në valutë dhe 60% e tyre janë depozita pa afat. Ndërkohë rreth 80% e individëve kanë vendosur të mbajnë të paprekur stokun e depozitave duke reflektuar kështu një formë kursimi.
