Avokati i agjentit të forcave Operacionale në Policinë e Shtetit që u arrestua si i dyshuar të ketë ndihmuar për t’u fshehur dhe për të lëvizur të shumëkërkuarin Ervis Martinajn, e kundërshtoi masën e sigurisë “arrest me burg” që vendosi këtë të enjte gjykata.
Duke folur dhe për mediat pas seancës gjyqësore, Gentian Rumano, avokati i Jeton Lamit, tha se është e papërshtatshme një masë e tillë ndaj agjentit.
“Qëndrimi jonë ka qenë sot në seancë lidhur vetëm me kushtet të dhënies së vendosjes së masës së sigurimit. Lami nuk ka dhënë asnjë shpjegim. Ne e konsiderojmë si të papërshtatshme faktin se duhet të qëndrojë në “arrest në burg”. Janë rrethana të paqarta, presim që të sqarojnë hetimet”, tha ai.
Avokati tha se do i drejtohen Apelit për një masë më të butë sigurie.
Nga hetimet deri më tani dyshohet se Martinaj ndihmohej nga agjenti i policisë Lami për të lëvizur pa u vënë re në këmbim të ryshfetit, pasi ky i fundit ka pasur informacion se ku ndodheshin postblloqet e Policisë.
Sipas hetuesve, nga kqyrja e kamerave te sigurise se disa hoteleve, konkretisht ne Durres, eshte fiksuar agjenti i policise Jeton Lami teksa lëviz me Ervis Martinajn, disa dite para se familja e tij te denonconte te zhdukur te shumekerkuarin, pasi kishte humbur kontaktet qe mbanin permes nje personi te trete.
