Personat që shihni në foto janë Eris Mehmetaj dhe Roan Brahimi, i njohur edhe si “Sidi”. Një ditë më parë u bë me dije se Eris Mehmetaj, i arrestuar nën akuzën se ndihmoi autorin e vrasjes së Renato Hoxhajt, ka pasur një miqësi të ngushtë me “Sidin”.
Eris Mehmetaj është me origjinë nga Tropoja, teksa njihet dhe si mik i Roan Brahimit alias Sidorel Prendit siç duket nga fotoja e siguruar.
Kujtojmë se Roan Brahimi alias Sidorel Prendi i njohur si “SIDI” u ekzekutua në Maj të vitit të kaluar në Athinë, i cili strehohej në Dubai.
Eris Mehmetaj është ndaluar nga uniformat blu, pas identifikimit nga Policia e Vlorës të automjetit me të cilin ka lëvizur vrasësi ditën e krimit.
Nga hetimi ka rezultuar se Mehmetaj ia ka dhënë automjetin para krimit autorit, teksa mjetit më pas i ishin ndërruar edhe targat
Eris Mehmetaj i është sekuestruar edhe celulari, nga i cili grupi hetimor beson se do të marrë të dhëna që mund ta ndihmojnë për zbardhjen e vrasjes së Renato Hoxhaj.
Grupi hetimor dyshon se vrasja e 58-vjeçarit është porositur nga Dubai, nga një grup kriminal nga Vlora, nën dyshimet se ai mund të ketë qenë informator për grupin kundërshtar.
