Në rubrikën tonë të përditshme “Spring në Alpe” kemi zgjedhur t’iu sjellim disa nga pamje nga plazhi i Kallmit në Durrës.
Rrethuar nga kodrina dhe gjelbërimi, Kallmi, vetëm 8 km larg qendrës së Durrësit të ofron magjinë e freskët të kësaj vere të nxehtë. Këtu ndjehesh pak si turist elitar, larg rrëmujës së qytetit e pranë natyrës.
Plazhi me guralecë dhe ujë të pastër, me shkëmbinj të kthyer në dallgëthyes dhe trampolina natyrore, e bën kaq të ndryshëm nga plazhi i madh ranor i Durrësit.
Prej vitesh plazhi i Kallmit, renditet ndër plazhet e preferuara për pushuesit, për shkak të qetësisë, pastërtisë dhe gjelbërimit të kodrave përreth.
AlpeNews.al ju sjel disa pamje të veçanta nga plazhi i Kallmit në Durrës.
Një pjesë e çifteve kanë zgjedhur që setin e tyre fotografik të dasmës t’a realizojnë pikërisht në plazhin e Kallmit, aty ku natyra është një ndihmesë e madhe që fotot të dalin perfekte.
N
Përgatiti: AlpeNews.al
