Tottenham shpreson të ngushtojë diferencat me skuadrat që kryesojnë renditjen e Premier League në ndeshjen që do të luajë këtë të diel kundër Everton në transfertë.
Statistika
– Tottenham nuk ka pësuar asnjë humbje kundër Everton-it në 11 ndeshjet e fundit të luajtura në Premier League, me “Spurs” që kanë marrë 6 fitore gjatë kësaj periudhe.
– Tottenham ka marrë më shumë fitore në kampionat kundër Everton se kundër çdo skuadre tjetër.
– Everton nuk ka fituar asnjë nga 22 ndeshjet e fundit të luajtura kundër “gjashtë të mëdhave” të futbollit anglez (6 barazime, 16 humbje) që nga fitorja 4-0 e marrë kundër Manchester City-t në 2017-ën.
– Everton nuk ka pësuar asnjë humbje në gjashtë ndeshjet e fundit të kampionatit që ka luajtur në shtëpi, duke marrë katër fitore dhe dy barazime.
– “Spurs” nuk kanë barazuar asnjë nga 17 ndeshjet që kanë luajtur në këtë kampionat, vetëm Bolton në sezonin 2011-12 (18) ka luajtur më shumë ndeshje pa asnjë barazim nga fillimi i një sezoni të Premier League.
– Tottenham ka fituar tetë nga 10 ndeshjet e këtij sezoni të Premier League që ka luajtur në transfertë.
– Kjo do të jetë ndeshja e tretë në këtë sezon të Premier League që Tottenham do të luajë të dielën, ata kanë humbur dy të mëparshmet (kundër Watford dhe Arsenal).
– Lojtari i Everton, Richarlison, ka shënuar katër gola në katër ndeshjet e fundit të Premier League që ka luajtur në shtëpi.
– Sulmuesi i Tottenham, Harry Kane, ka shënuar një dygolësh në tri ndeshjet e fundit që ka luajtur kundër Everton.
– Trajneri i Tottenham, Mauricio Pochettino, ka humbur vetëm 1 nga 11 ndeshjet e Premier League të luajtura kundër Everton-it (6 fitore, 3 barazime).
