Mediat në Abu Dhabi dhe Dubai i kanë bërë jehonë mbështetjes për Shqipërinë dhe Marrëveshjes së ratifikuar nga Kuvendi i Shqipërisë për Bashkëpunimin Ekonomik” mes vendit tonë dhe Emirateve të Bashkuara Arabe.
Kjo marrëveshje i hap rrugë njërit nga projektet më të mëdha të rindërtimit me mbi 2000 apartamente për familjet e Durrësit të cilëve iu dëmtua shtëpia nga tërmeti i 26 nëntorit të vitit të kaluar.
Mediat në Abu Dhabi dhe Dubai kanë publikuar edhe fjalën e Kryetarit të Grupit Parlamentar të PS-së, Taulant Balla, i cili pas votimit të marrëveshjes nga foltorja e Parlamentit shprehu mirënjohjen e tij për Princin e Abu Dhabi, Mohamed Bin Zayed Al Nahyan për grantin për të rinovuar më shumë se 2000 banesa në një nga qendrat kryesore ekonomike të Shqipërisë, Durrësin.
“Ne jemi shumë mirënjohës për Lartmadhërinë e Tij Mohamed Bin Zayed Al Nahyan për mbështetjen e tij të vazhdueshme në projektet ekonomike të Shqipërisë gjatë viteve,” – theksoi Balla.
