Ky është momenti kur policia qëllon pandërprerë me pistoletë elektrike të riun.
Në video shihet se si policia e Tulsas SHBA konfrontohet me 26-vjeçarin Joshua Wayne Harvey para bankës Arvest, pasi qytetarët kishin raportuar se një burrë po bërtiste dhe po vraponte i zhveshur.
Pamjet e publikuara të shtunën nga departamenti i policisë në Tulsa, shfaqin Harvey gjysmë lakuriq dhe pa këpucë duke u konfrontuar me policinë.
Por, rezistenca e tij që t’i bindet urdhrave të policisë, bëri që ata ta godasin vazhdimisht me revole elektrike, që në mënyrë të tillë ti vinin prangat.
Megjithatë, edhe pse iu desh shumë mund policëve që ta prangosin, i dyshuari në një moment humb vetëdijen nga goditjet e vazhdueshme me pistoletë elektrike, dhe kështu në vendin e ngjarjes shfaqet edhe autoambulanca për ta ndihmuar.
Ndërkohë raportohet se Harvey tri ditë më vonë ka ndërruar jetë, ndërsa mbetet autopsia e cila do ta përcaktojë shkakun e vdekjes.
Pamjet e arrestimit të tij kanë shokuar shumë qytetarë.
